Франциянинг "France Football" журнали барча замонларнинг энг яхши футболчилари рамзий терма жамоасини тузишда давом этмоқда.

Дарвозабон, чап қанот ҳимоячиси, марказий ҳимоячи, ўнг қанот ҳимоячиси, марказий ярим ҳимоячи, ҳужумкор ярим ҳимоячи, чап қанот ҳужумчиси, ўнг қанот ҳужумчиси ва марказий ҳужумчи позициялари учун махсус комиссия томонидан танлаб олинган номзодлар рўйхати эълон қилинмоқда.

Бутун дунё бўйлаб 170дан ортиқ журналистнинг овозлари натижасида ҳар бир позицияга бир нафардан энг яхши футболчи танлаб олинади ва рамзий терма жамоага киритилади. Рамзий жамоа эса декабрь ойида эълон қилинади.

Ўнг қанот ҳужумчиси номинацияси учун 10 нафар номзодлар рўйхати қуйидаги кўринишда бўлди:

Дэвид Бекхэм (Англия), Жаирзиньо (Бразилия), Жорж Бест (Шимолий Ирландия), Кевин Киган (Англия), Самюэль Это’О (Камерун), Стэнли Мэтьюз (Англия), Луиш Фигу (Португалия), Лионель Месси (Аргентина), Гарринча (Бразилия), Арьен Роббен (Нидерландия).