"Локомотив" бош мураббийи Aндрей Микляев "Бунёдкор"га қарши ўйиндан кейинги фикрлари билан ўртоқлашди.

- Кўп гапириш қийин. Илк навбатда 3 очкога ега чиққан йигитларни табриклайман. Ўйин жуда жанговар, асабий ўтди. Иккала жамоа ҳам мағлуб бўлишни истамади. Шу боисдан чиройли ўйин кўрдик. Жамоаларнинг ўйин услублари бир-биридан ажралиб турди. "Бунёдкор"нинг қандай ўйнашини билиб тургандик. Йигитлар тез ўйнашади ва техник томонлама яхши шаклланган. Паслари ҳам ажойиб. Шу боисдан уларнинг ўйин услубига қарши услубни танладик. Уч очко қўлга киритилганидан хурсандман. Бундай жанговар ўйинда қўлга киритиладиган уч очко жуда ёқимли бўлади.

Олдинроқ айтганимдек, рақибларга қарши уларнинг ўйин услубига қарши услуб танладик. Рақиб футболчиларида тезкорлар кўп. Бизда режалар амалга ошди. Умуман олганда ўйин тенг ўтди. Иккинчи бўлимда икки жамоада ҳам кўплаб вазиятлар кузатилди. Ўйинда нималар бўлган бўлса барчасидан мамнунман. Йигитлар бугун ғалаба учун ёнди, рақибларни жазолаш учун интилди. Ҳа, тан оламиз, хатолар бор, бу борада ишлаш керак. Aйни дамда жамоанинг қайта дунёга келиш жараёни кетмоқда. "Локо"да ёшларга катта еътибор берилаётгани еса менга жуда ёқмоқда.

Жалолиддин ўйиндан-ўйинга қўшмоқда. Имконият берилмоқда, ўзимизнинг тарбияланувчимиз асосий таркиб даражасига йетиб келгани бизни қувонтиряпти. Захирамизда ёшлар жуда кўп. Улар ўйнаши керак, кўпроқ ўйин амалиёти тақдим етишга ҳаракат қиляпмиз. Тўғри "Локомотив" турнир жадвалининг юқори томонида емас, гарчи ўрта поғоналарда бўлсак ҳам биз ҳар бир очко учун қаттиқ кураша оламиз.