Лондоннинг «Челси» клуби бош мураббийи Фрэнк Лэмпард ЕЧЛ доирасида «Севилья» клубига қарши бўлиб ўтадиган учрашувдан олдин ташкил этилган матбуот анжуманида иштирок этди.
«ЕЧЛ – ёш футболчилар учун тайёргарлик майдончаси. Ўтган мавсумда етарлича тажриба тўпладик, турнирнинг амалдаги ғолиби - «Бавария» билан баҳс олиб бордик. Ўша учрашувлар ёш футболчиларимизга кўп нарсаларни ўргатди.
Биз доим такомиллашиш йўлини излаймиз ва «Севилья»га қарши ўйин ҳам бундан мустасно бўлмайди. Бундан жиддий рақибга қарши ўйинда максимал концентрация ва интизомни сақлашимиз керак», - Лэмпарднинг сўзларидан иқтибос келтирмоқда УЕФА матбуот хизмати.
