Нидерландиянинг "Аякс" клуби бош мураббийи Эрик тен Хаг ЕЧЛ доирасида "Ливерпул"га қарши бўлиб ўтадиган учрашувдан олдин ташкил этилган матбуот анжуманида иштирок этди.
"Ливерпул"га қарши ўйини - жиддий чақирув. Айни пайтда улар дунёнинг энг кучли жамоаси саналади. Агар икки йил мобайнида ЕЧЛда ва АПЛда ғолиб чиқдими, демак жорий мавсум ҳам бош соврин учун асосий давогар ҳисобланади. Ўйинга тайёргарлик борасида бизда ҳаммаси ўз жойида. Жасорат билан ҳаракат қиламиз. Биз ўйлаган барча режаларимизни ҳаётда тадбиқ этишга ҳаракат қиламиз.
- Вирджил ван Дейкни майдонга тушмаслигидан хурсандмизми?
- Биз майдонга тушадиган футболчилар ҳақида ўйлашимиз керак.
- Унинг таркибда йўқлигида "Ливерпуль" бошқача бўладими?
- Йўқ, айтарли ҳеч қандай ўзгариш бўлмайди. Улар бемалол бу позициясининг муаммосини ҳал қила олишади: А футболчини ўрнига Б футболчини топиш улар учун муаммо эмас. Ван Дейкни деб бутун жамоани ўзгартиришни иложиси йўқ", - деди бош мураббий УЕФА матбуот хизматига.
