Про лига 9-турининг қолдирилган баҳси Фарғонада «Истиқлол» ҳамда «Динамо» ўртасида кечди.

Ушбу учрашув Про лиганинг дастлабки тўртлигига қайси жамоа ўрин олишини амалда аниқлаши лозим эди. Ушбу жамоалар турнир жадвалида ёнма-ён бораётганлиги боис ўйин икки томон учун ҳам муҳим аҳамиятга эга эди.

Учрашувда ҳисобни ажойиб зарбаси эвазига Нуруллоев очган бўлса, мезбонлар Санжар Баратовнинг голи эвазига биринчи бўлим якунида ҳисобни тенглаштиришди.

Ҳужумкорликни туширмаган вакилларимиз ниҳоят ниятларига етишишди. Сўнгги дақиқаларда ҳимоячимиз Муҳаммадқодир Ҳамралиев Жаҳонгир Аҳмадовнинг жарима тўпидан узатмасини бош билан дарвозага йўллаб, «Динамо»га Фарғонада жуда муҳим ғалабани келтирди – 1:2.

Ушбу ғалаба эвазига Сергей Лушчан жамоаси очколарини 20тага етказган бўлса, Анвар Бердиев шогирдлари 16 очко билан 5-ўринда қолишди.

Про лига. 9-турнинг қолдирилган учрашуви
21 октябрь, чоршанба
«ИСТИҚЛОЛ» — «ДИНАМО» - 1:2
Голлар: Санжар Баратов 42 - Cуҳроб Нуруллоев 20, Муҳаммадқодир Ҳамралиев 90+1.
«Истиқлол»: 46.Хуршид Хўжаев, 2.Аҳрорбек Ўктамов, 4.Жасурбек Эрмаматов, 5.Абдухолиқ Қурбонов, 8.Сардор Сотволдиев, 15.Улуғбек Ҳудойбердиев, 17.Темур Маматмуродов, 19.Хушнудбек Бозоров, 21.Элёр Мамасолиев, 26.Аҳроржон Иноятов, 29.Санжар Баратов.
Захира: 12.Нодир Ашурматов, 3.Фирдавс Асадов, 6.Оқилбек Маҳмудов, 7.Риза Айвазов, 10.Давронбек Исоқов, 11.Шоҳруҳ Бойқўзиев, 13.Дониёржон Тулашев, 20.Раҳматулло Ўктамов, 22.Маъруф Жумаев.
«Динамо»: 1. Эркин Жабборов, 2. Бекзод Аҳмаджонов, 7. Суҳроб Нуруллоев, 8. Элдор Бойматов (6. Бобур Қосимов, 62), 11. Дамир Темиров, 14. Андрей Сидоров (27. Азамат Алланиёзов, 70), 19. Обид Жўрабоев, 21. Муҳаммадқодир Ҳамралиев, 23.Шаҳзодбек Ҳамидов, 24. Фарҳод Намозов (9. Жаҳонгир Аҳмадов, 63), 78. Ойбек Нурматов (17. Шарофиддин Шобиров, 56)
Захира: 30. Фарҳод Раҳматов,  4. Ҳакимхон Аъламхонов, 5. Аваз Агалиев,  20. Шаҳбоз Нуриддинов, 26. Комил Шарофутдинов.