Мадриднинг "Реал" клуби собиқ президенти Рамон Кальдерон Ла Лиганинг 6-тур доирасида "Кадис" (0:1) ва ЕЧЛнинг 1-тур доирасида Украинанинг "Шахтёр" (2:3) клубидан қабул қилиб олинган мағлубиятлар ҳақида фикр билдирди.
"Реал" аҳмоқларча Роналдунинг сотиб юборганидан сўнг, ҳужум чизиғини кучайтириш учун янги футболчи олиш керак эди. Шунингдек, бошқа позицияга ҳам янги ўйинчиларни жалб қилиш керак эди. Лекин, клубнинг хазинаси шунчаки бўш эмас, аксинча, миллардлаб қарзи бор.
"Реал" - ёзда янги футболчи билан шартнома имзоламаган ягона клуб. Энди эса мана шу хато учун жабр чекишига тўғри келяпти. "Шахтёр"га қарши ўйин жуда ёмон бўлди, футболчилар жуда кўплаб хатоларга йўл қўйди. Битта футболчини айблаш нотўғри, чунки хатолар жуда кўп бўлди. Роналдусиз эса гол урадиган одам йўқ", - деди Кальдерон AS нашрига.
