Европа лигаси гуруҳ босқичи 1-тури доирасида бўлиб ўтган «Стандард» ва «Глазго Рейнжерс» жамоалари ўртасидаги ўйинда чиройли гол урилди.

Ўйинга қўшиб берилган дақиқаларда 0:1 ҳисобида ортда бораётган мезбонлар ҳужумга ўтишди. «Рейнжерс» ярим ҳимоячиси Кемар Руф ўз жарима майдони яқинида тўпни эгаллади, рақибнинг бир неча нафар футболчисини алдаб ўтди ва марказий чизиқ устидан зарба берди. Тўп эса дарвозабон Арно Бодар устидан ошиб ўтиб, дарвоза тўрига бориб тушди. Натижада шотландияликлар 2:0 ҳисобида ғалаба қозонишди.

"Opta" тарқатган хабарга кўра, ушбу гол Европа лигасида энг олис масофадан урилган голга айланган. Руф дарвозагача 54,6 ярд (тахминан 50 метр) масофадан зарба берган.