Франциянинг «Пари Сен-Жермен» клуби бош мураббийи Томас Тухель ЕЧЛ доирасида «Манчестер Юнайтед» клубидан қабул қилиб олинган мағлубиятдан сўнг, унинг ишига шубҳа остида қараётганлардан ранжимоқда.
«Умуман олганда, бу бутунлай нормал ҳолат, лекин биз мағлубиятга учрашга ўрганмаганмиз. Ютқазишни ёқтирмаймиз ва бу бизнинг одатимиз бўлиб қолишини хоҳламайман.
Ҳамма биздан барча ўйинларда 6:0 ҳисобида ғалаба қозонишимизни кутмоқда. Бироқ, бундай бўлмайди.
Келинглар, «Манчестер Юнайтед» клубига қарши бўлиб ўтган ўйингача бешта учрашувда муваффақият қозонганимизни унутмайлик», — деди Тухель.
