Англиянинг «Манчестер Сити» клуби футболчилари жой олган самолёт Манчестер шаҳридан Лондонга учди, лекин Англия пойтахтининг бошқа аэропортига мажбуран қўнди.
Парвоз пайтида самолётнинг тормоз тизимида муаммо юзага келди. Шу сабабли, самолётни қўндириш учун узунроқ қўниш йўлагига эҳтиёж сезилди.
«Манчестер Сити» футболчилари жой олган самолёт «Станстед» аэропортига қўндирилди. Бу аэропорт "Манчестер Сити" бориши керак бўлган манзилдан анча узоқда жойлашган. Натижада футболчилар меҳмонхонага автобусда кетишга мажбур бўлишди.
«Манчестер Сити» АПЛ доирасида «Вест Хэм» клубига қарши бугун, 24 октябрь куни ўйнайди.
