Про лига 13-тури доирасидаги марказий баҳсда «Турон» Яйпанда «Динамо»ни қабул қилди.
Учрашувнинг 37-дақиқасида мезбонлар Умиджон Қодировнинг голи эвазига ҳисобни очган бўлса, 83-дақиқада Ойбек Нурматов пенальтидан фойдаланиб ҳисобни тенглаштирди – 1:1.
90+4-дақиқада жамоамиз ғалабани илиб кетиши мумкин эди. Аммо Ойбек Нурматов яккама-якка вазиятда дарвозабон Акмал Ортиқов томонидан йиқитилган бўлса-да, бош ҳакам 11 метрлик нуқтани кўрсатмади ва учрашув дуранг натижа билан якунланди.
Натижада «Турон» 24 очко билан 3-ўринда қолган бўлса, «Динамо» 21 очко билан 4-ўринда қолди.
Про лига. 13-тур.
«Турон» - «Динамо» - 1:1
Ҳакам: Ғайрат Жўраев (Наманган)
Голлар: Умиджон Қодиров 37 - Ойбек Нурматов 83 пенальтидан
«Турон»: 87. Акмал Ортиқов, 2. Абдулазизхон Абдурашидов, 3. Шукурали Пўлатов, 4. Суннатилло Эрматов, 7. Умиджон Қодиров, 10. Жавоҳир Соҳибов, 11. Асилбек Қаюмов, 14. Дониёр Исмоилов, 15. Шоҳрух Холматов, 17. Достонбек Мелиқўзиев, 22. Ғолиб Сарибоев.
«Динамо»: 1.Эркин Жабборов, 4.Ҳакимхон Аъламхонов, 5.Аваз Агалиев (23.Шаҳзодбек Ҳамидов, 46), 6.Бобур Қосимов (8.Элдор Бойматов), 9.Жаҳонгир Аҳмадов, 11.Дамир Темиров, 17.Шарофиддин Шобиров (78.Ойбек Нурматов), 21.Муҳаммадқодир Ҳамралиев, 26.Комил Шарофутдинов, 27.Азамат Алланиязов (14.Андрей Сидоров), 34.Шоҳрухбек Абдураҳмонов (7.Суҳроб Нуруллоев).
