ЎзПФЛ бош директори Диёр Имомхўжаев телеграмдаги каналида энг кўп берилаётган қуйидаги саволларга жавоб бериб ўтди.
"Насаф" футбол клуби давлат улуши бор корхоналар томонидан молиялаштириладиган жамоаларнинг Давлат активларини бошқариш агентлигига ўтказилаётгани сабаб ОФК лицензиялашидан ўта олмадими?
Йўқ, бу ёлғондан бошқа нарса эмас. Чунки ОФК лицензияси учун ҳужжатлар топширилаётганда бу иш ҳали амалга ошмаганди. Шунингдек, АГМК, "Бунёдкор", "Локомотив", "Навбаҳор", "Металлург" жамоалари билан ҳам шундай ҳол рўй беряпти, аммо улар ОФК лицензиясини олди.
Рўзиқул Бердиев ЎзПФЛ томонидан жазоландими?
Йўқ, бу каби интизом чораларини Тартиб-интизом қўмитаси кўриб чиқади ва унинг қарор чиқарувчи органида ЎзПФЛ вакили бўлмайди. Ҳар қандай тўғридан-тўғри қизил карточка иши шу қўмитага тушади.
"Бухоро" — "Сўғдиёна" учрашуви ҳакамларини ЎзПФЛ ўзгартирдими?
Йўқ, учрашувларга ҳакамларни ЎФА Ҳакамлар бўлими тайинлайди. ЎзПФЛ учрашувларда ишлаган ҳакамларга гонорар тўлайди ва клублар ҳакамлик бўйича шикоят ёзганида, ишни кўриш чиқиш учун ЎФАга оширади.