Бугун Ўзбекистон Миллий олимпия қўмитасида Ўзбекистон велосипед спорти ва Триатлон федерациялари ўртасида доимий ҳамкорликни йўлга қўйиш бўйича меморандум имзоланди.
Мазкур тадбирда Ўзбекистон велосипед спорти федерацияси бош котиби Козим Ўринбойхужаев, Ўзбекистон Триатлон федерацияси бош котиби Елена Кун, миллий терма жамоа тренерлари, шунингдек , ОАВ вакиллари иштирок этишди.
Таъкидлаш жоизки, ушбу меморандумни имзолашдан асосий мақсад ҳар икки спорт турида селекция ишларини кучайтириш, иқтидорли ёшларни терма жамоага саралаш ва жалб қилиш, ўзаро манфаатли ривожлантириш бўйича йўл харитасини биргаликда тайёрлаш, қўшма машғулот базасини яратиш масаласини кўриб чиқиш, тематик халқаро семинарлар, симпозиумлар, конференциялар, кўргазмалар ўтказиш, қўшма ўқув-машғулот йиғинларини ташкил этишдир.
