Қаршидаги "Марказий" стадионда бўлиб ўтган "Насаф" ҳамда "Қўқон-1912" жамоалари ўртасида бўлиб ўтган баҳс Суперлиганинг 22-тур ўйинларини бошлаб берди.
Турнинг қизиқарли ва марказий учрашувларидан бири айнан Қарши шаҳрида бўлиб ўтди. Турнир жадвалининг юқори ўринларида бораётган жамоаларнинг ўзаро учрашуви қизиқарли ва кескин курашларга бой бўлди.
Учрашувнинг 28-дақиқадаси меҳмонлар ҳисобни очишлари мумкин эди. Бош ҳакам Зокир Қодиров "Насаф" посбони ўз жарима майдончаси ичида рақиб футболчисига қўпол ўйнади деб топди ва майдон эгалари дарвозаси томон пенальти белгилади. Тўп олдига одатда 11 метрли жарима тўпларини бехато амалга оширадиган Мурод Холмуҳаммедов яқинлашди ва унинг йўллаган зарбасини "Насаф" посбони Абдувоҳид Неъматов қайтариб қолди.
Ўйиннинг 55-дақиқасида эса "Насаф" жамоасининг уюштирган ҳужумини Бобур Абдуҳолиқов гол билан якунлади.
Беллашувнинг сўнггигача ҳар икки жамоада бир қатор голли вазиятлар содир этилган бўлса-да, дарвозаларга бошқа гол киритилмади.
"Насаф" – "Қўқон-1912" - 1:0
31.10.2020 йил. Қарши. "Марказий" стадион.
Ҳакам: Зокир Қодиров
“Насаф”: 35. Абдувоҳид Неъматов, 4. Ҳусниддин Алиқулов, 8. Дилшод Саитов (15. Жўрабек Маннонов, 12), 10. Бобир Абдиҳолиқов, 14. Шароф Муҳитдинов, 20. Ислом Кенжабоев, 22. Акмал Мозговой, 34. Шерзод Насруллаев (7. Дилшод Раҳматуллаев, 75), 77. Ойбек Бозоров, 88. Марко Станоевич, 92. Умар Эшмуродов.
“Қўқон-1912”: 21.Музаффар Абдуллаев, 3.Бобур Акбаров, 10.Қувондиқ Рўзиев (19.Ҳамидулло Абдуҳамидов, 66), 13.Сардор Азимов (91.Якуба Бамба, 73), 14.Аваз Маматхўжаев (17.Музаффар Музаффаров, 73), 15.Ойбек Рустамов, 22.Муҳаммаданас Ҳасанов, 23.Александр Мерзляков, 33.Иван Йосович, 69.Филип Райевац, 70.Мурод Холмуҳаммедов.
Гол: Бобир Абдухолиқов 55, - 1:0
Амалга оширилмаган пенальти: Мурод Холмуҳаммедов 28.
Огоҳлантиришлар: Авазхон Маматхўжаев 55, Иван Йосович 56, Шерзод Насруллаев 90+4, Музаффар Музаффаров 90+4.
Назоратчи: Дмитрий Роман
Комиссар: Сардор Қудратуллаев
