Stadion.uz яқин ўтмишдаги энг чиройли футбол асосида суратга олинган видеороликлар билан таништириб ўтади.
Aслида, томошабинлар учун реклама роликларидан зерикарли нарса йўқ. Шундай бўлсада, ушбу роликларни ҳам санъат асари даражасида суратга олиш мумкин. Aлбатта, бунинг учун суратга олиш жараёнида чинакам профессионаллар иштирок этиши лозим. Ўз вақтида, футбол мухлислари учун ҳам турли компаниялар томонидан ажойиб реклама роликларини суратга олишган. Бугун уларни қисқача йога оламиз.
«Яширин мусобақа»
Ушбу кичик фильм устида Голливуд режиссери Терри Гиллиам иш олиб борган. Бюджети 100 миллион евро бўлганига қарамай, ушбу ролик кутилганиданда катта наф келтиргани рост.
Барчадан узоқдан дунёнинг энг кучли 24 та футболчиси ўзари мусобақада иштирок этмоқда. Шартлар жуда оддий. Ким биринчи гол киритса, ўша ғолиб.
Мусобақа ташкилотчиси Эрик Кантона бўлгани боис, ҳар бир эпизод ўзгача кўриниш олиши аниқ эди. 2002 йилдаги реклама ролиги Осиёда бўлиб ўтиши кўзда тутилган ЖЧ учун суратга олинган бўлиб, «Nike» компанияси томонидан оммага тақдим этилган. "Nike" ўзи билан шартномаси бўлган футболчиларнигина мусобақага таклиф қилганига қарамай, ушбу ролик интернет оламини »портлатиб юборади". Юк кемаси ичидаги 3Х3 форматидаги тўқнашувларни ҳали-ҳамон қайта томоша қилишингиз мумкин.
«Вазифа»
2000 йилда суратга олинганига қарамай, унинг сюжети ҳали ҳам трендда десак, адашмаган бўламиз. Луи Ван Гал ўзининг энг омадсиз мавсумини ўтказаётган бўлсада, янги аср бошида у энг машҳур мураббийлардан бири эди.
Видеонинг сюжетида Ван Гал ўз шогирдлари ёрдамида «ўзгача» тўпни душманлардан тортиб олиш учун ташриф буюради. Унда иштирок этган Фигу, Тотти, Тюрам, Ёрк, Гвардиола, Коул и Бирхоффлар ўз ролини ажойиб тарзда уддалашган.
"Аэропорт"
1998 йилда суратга олинган роликда Бразилия футболи афсоналари иштирок этган. Aйниқса, ушбу видеога танланган "Mas Que Nada" қўшиғи тезда оммалашиб кетди.
Ушбу қўшиқ ижрочиси Сержиу Мендес эса, Бразилиялик мухлислар ёқимтойига айланди. Бразилиялик футболчилар Кафу, Роналду, Ривалдо, Кафу, Роберто Карлос ижросидаги финтлар киши кўзини қамаштириб юборади. Ушбу роликни томоша қилинг ва Бразилия терма жамоаси афсоналарини ёдга олинг.
«Янги даражага чиқиш»
2008 йилда «Нике» видеоролик оламида инқилоб амалга оширишга муваффақ бўлди. Таниқли режиссер Гай Ричи томонидан суратга олинган кичик фильмда оддий инсоннинг супер юлдуз футболчилар орасига кириб бориши тасвирланган.
Режжисер қандай қилиб эндигина фаолиятини бошлаган футболчи энг юқори чўққини забт этишини тасвирлашга интилган. Ушбу ролик қаҳрамони Роналду, Ибраҳимович, Руни, Фабрегас, Тевез, Нистелрой ва Снейдерлар билан тўқнаш келади.
«Ёвузлик яхшиликка қарши»
Ролик ҳеч қандай чуқур маънони ўзида касб этмайди. Шу боис, ҳам уни томоша қилиш ва хотирада сақлаб қолиш осон. "Nike« ўз амбассадорларини "ёвузлар"га қарши майдонга чиқишини истайди ва бу амалга ошади.
Роликда 1996 йилдаги футбол олами юлдузлари Роналдо, Ромарио, Малдини, Кошта, Фигу, Давидс, Клюверт, Кампос, Броллинлар иштирок этган бўлсада, асосий роль Эрик Кантонага топширилган.
«Ўзгариш»
2016 йилдаги Европа чемпионати арафасида Роналду мухлислар қалбидан жой олган видеороликда суратга тушади. Сюжет ғояси жуда мураккаб тузилган. Роналду ва болбойларнинг танаси алмашиб қолади. Уларнинг ҳаётидаги ўзгаришлар эса, меҳнат эвазига секин-аста ўз ўрнига келишни бошлайди.
Ушбу «асар»да Кейн, Aндре Гомеш, Куарежма, Стерлинг, Варан сингари футболчилар иштирок этган бўлсада, 6 дақиқа давомида сизни Роналдунинг тақдиридан бошқаси қизиқтирмай қўйиши турган гап.
«Жозе+10»
"Nike« компаниясининг медиа жангда "Adidas"ни ортда қолдириши одатий ҳолга айланган бир пайтда, немислар жавоб қайтаришга муваффақ бўлишади. Жозе исмли болакай ўзи севган футболчилардан ташкил топган жамоани тузиш ниятида "Adidas" билан шартномаси бор футболчиларга мурожаат этади.
2006 йилдаги ЖЧ олдидан суратга олинган ролик «Nike» компаниясини шошириб қўйган бўлса, ажаб эмас. Сабаби, "Adidas" жамоаси таркибига эътибор қаратинг: Зидан, Бекхэм, Дефо, Кан, Месси, Лемпард, Роббен, Джеррард, Накамура, Рикелме, Раул! Бу ҳам етмаганидек, режжисор Франц Беккенбауэр ва Мишел Платиниларни ҳам тасмада акс эттиради. Бу шунчаки санъат асари!
«Оле»
Португалия ва Бразилия ўртасидаги ўртоқлик учрашуви. Фигу Роналдонинг оёқлари орасидан тўпни олиб ўтади. Кейин эса, барча футбол ҳақида унутади...
«Орзу»
2014 йилдаги мундиал олдидан олинган ролик ҳам ўзгача кўриниш олганини тан олиш лозим. Месси ўз дўстлари ЖЧ олдидан қандай машғулот ўтказаётгани билан қизиқади. Қарабсизки, тайёр сюжет.
«Ўрта аср жанги»
"Pepsi" компанияси ҳам футболчилар орқали ўз маҳсулотини бутун дунёга ёйишни яхши уддалаганлар сирасига киради.
Ушбу компаниянинг талабига биноан суратга олинган ролик йиллар давомида футбол мухлисларини ҳайрон қолдиришда давом этмоқда. Aслида, эски киноларни қайта кўриш зерикарли, бироқ бу видеоролик бундан мустасно. Яқин ўтмишнинг супер юлдузлари - Роналдиньо, Раул, Торрес, Карлос, Бекхем, Тотти сингари футболчилар жонлантирган қаҳрамонларнинг қадри ҳозир янада кўтарилган. Сабаби, улар энди футбол оламида эмас. Шу боис, бу роликни ностальгия деб бемалол атасак бўлади.
