Италия чемпионатининг 6-тури доирасида «Милан» сафарда «Удинезе» клуби меҳмони бўлиб, қийин ғалабани қўлга киритди.

Биринчи бўлимда Франк Кессие "россонери"ни ҳисобда олдинга олиб чиқди. Иккинчи бўлим бошида эса мезбонлар пенальти тепиш ҳуқуқини қўлга киритишди ва Де Пауль ундан самарали фойдаланди.

Ўйин тугашига 7 дақиқа қолганида Златан Ибраҳимович "Милан"га ғалаба келтирувчи гол муаллифига айланди.

Шу тариқа, "Милан" ўз очколарини 16тага етказди ва А серияда пешқадамлик қилишда давом этади.

Италия чемпионати, 6-тур
Удинезе – Милан 1:2 (0:1, 1:1)
Голлар: 0:1 – 18 Кессиэ, 1:1 – 48, пенальти де Пауль, 1:2 – 83 Ибраҳимович.
Удинезе – Муссо, Родриго Бекао, Де Майо, Самир, Ларсен (Бонифаци, 82), Арслан (Макенго, 63), Пуссетто, де Пауль, Перейра (Форестьери, 82), Деулофеу (Аувеян, 71), Окака Чука (Лазанья, 71).
Милан – Доннарумма, Романьоли, Тео, Калабрия (Диогу Далот, 71), Кьер, Кессиэ, Беннасер (Тонали, 57), Чалханоглу (Крунич, 89), Салемакерс (Браим Диас, 57), Ибраҳимович, Рафаэл Леау (Ребич, 71).
Огоҳлантиришлар: Тео (13), Родриго Бекао (24), Арслан (39), Доннарумма (49).