Italiya chempionatining 6-turi doirasida «Milan» safarda «Udineze» klubi mehmoni bo‘lib, qiyin g‘alabani qo‘lga kiritdi.

Birinchi bo‘limda Frank Kessiye "rossoneri"ni hisobda oldinga olib chiqdi. Ikkinchi bo‘lim boshida esa mezbonlar penalti tepish huquqini qo‘lga kiritishdi va De Paul undan samarali foydalandi.

O‘yin tugashiga 7 daqiqa qolganida Zlatan Ibrahimovich "Milan"ga g‘alaba keltiruvchi gol muallifiga aylandi.

Shu tariqa, "Milan" o‘z ochkolarini 16taga yetkazdi va A seriyada peshqadamlik qilishda davom etadi.

Italiya chempionati, 6-tur
Udineze – Milan 1:2 (0:1, 1:1)
Gollar: 0:1 – 18 Kessie, 1:1 – 48, penalti de Paul, 1:2 – 83 Ibrahimovich.
Udineze – Musso, Rodrigo Bekao, De Mayo, Samir, Larsen (Bonifasi, 82), Arslan (Makengo, 63), Pussetto, de Paul, Pereyra (Forestyeri, 82), Deulofeu (Auveyan, 71), Okaka Chuka (Lazanya, 71).
Milan – Donnarumma, Romanyoli, Teo, Kalabriya (Diogu Dalot, 71), Kyer, Kessie, Bennaser (Tonali, 57), Chalxanoglu (Krunich, 89), Salemakers (Braim Dias, 57), Ibrahimovich, Rafael Leau (Rebich, 71).
Ogohlantirishlar: Teo (13), Rodrigo Bekao (24), Arslan (39), Donnarumma (49).