АПЛнинг 7-тур доирасида бўлиб ўтган «Манчестер Юнайтед» ҳамда «Арсенал» (0:1)жамоалари ўртасидаги учрашув якунига етгач, меҳмонлар бош мураббийи Микель Артета ўз фикрларини билдирди.

«Мен футболчилар ўзларига ишонишларини ва муваффақият қозонишларини хоҳлардим, улардан бир жамоа бўлишларини сўрадим. Мен қониқдим, чунки биз жуда яхши ўйнадик. Рақиб 4 та ярим ҳимоячидан иборат мураккаб тактикани танлади, уларнинг иккитаси мунтазам равишда бизнинг ҳимояга ҳамла қилиб туришлари керак эди. Биринчи бўлимнинг ўзида иккита гол киритишимиз мумкин эди. Ҳисобда олдинга чиқиб олганимиздан кейин рақибнинг босимига бардош беришимизга тўғри келди.

Босим жуда юқори эди, чунки, «Олд Траффорд» бошқа стадионлардан фарқ қилади. Бундай ўйинларда натижа учун бутун жамоа курашиши керак ва бугун ҳам бир футболчи юқори савияда ўйнади», - Артетанинг сўзларидан иқтибос келтирмоқда BBC.

«Арсенал» кечаги ғалабадан сўнг очколари сонини 12 тага етказиб олиб, турнир жадвалининг 9-поғонасида бормоқда.