Англиянинг «Манчестер Юнайтед» клуби собиқ футболчиси Рой Кин «Арсенал» ярим ҳимоячиси Томас Партининг ўйинларига баҳо берди.

«Парти "МЮ"га қарши ўйинда ажойиб ўйин намойиш этди. У катта ўйинларда майдонга тушиш учун янги футболчи эмаслиги кўриниб турибди. Агар футболчининг кўрсатаётган ўйинини жонли кўрсангиз, ўша пайтда у ҳақда хулоса қилишингиз мумкин. Унга қанча кўп қарасам, шунча уни "МЮ"нинг марказий ярим ҳимоячида кўргим келмоқда. У яхши, кучли ва тажовузкор футболчи. Парти тўпни ҳужумга узатиши мумкин. У тўп билан ўзини жуда яхши ҳис қилмоқда.

Менда Виейрага қарши жанглар бўлган. Ўйлайманки, Партини Патрик билан таққосласа бўлади», – деди Кин.