Англиянинг «Манчестер Юнайтед» клуби собиқ мураббийи Рене Меленстен жамоа ярим ҳимоячиси Поль Погба ҳақида фикр билдирди. У Погбани топ-футболчи сифатида ҳисобламаслигини яширмади.
«Сиз хоҳлаганингизча истеъдодли бўлишингиз мумкин, лекин, асосийси – ҳар доим меҳнат қилиш керак. Фақат меҳнатдан кейин футболчининг фазилатлари намоён бўлади. Ўйлайманки, Погба унчалик ҳам меҳнат қилишни хоҳламаяпти. Бу сезилмоқда. У жуда секин ҳаракат қилмоқда, рақиблар эса бундан унумли фойдаланмоқда.
Погба шубҳасиз иқтидорли футболчи. Кўпчилик уни жаҳон савиясидаги футболчи деб ҳисоблайди. Лекин мен бундай демаган бўлардим. Бундай номга кимлар лойиқ эканлигини мен жуда яхши биламан. Погба ўзидан кутилган натижани қайд эта олмаяпти», - деди Меленстен Stadium Astro билан суҳбатда.
Эслатиб ўтамиз, Меленстен 2001-2006 йиллар давомида "МЮ"нинг 18 ва 21 ёшгача бўлган футболчиларига устозлик қилган. Шунингдек, 2007-2013 йилгача асосий жамоада ёрдамчи мураббий бўлиб фаолият кўрсатган.
