Каталониянинг «Барселона» клуби футболчиси Педри ЕЧЛнинг 3-тур доирасида "Динамо" (Киев) клубига қарши бўлиб ўтадиган учрашув олдидан ўз фикрларини билдирди.
«Рақибимизнинг муаммоларига кўп ҳам эътибор қаратмаслигимиз керак. Агар эртанги ўйинда уч очкони қўлга киритадиган бўлсак, у ҳолда кейинга босқич масаласини деярли ҳал қилган бўламиз. Шу сабабли, "Динамо"даги муаммолардан хотиржам бўлмаслигимиз керак.
«Барселона»га мослашиб кетдим. Аввалига, табиийки ҳаяжон бор эди, бироқ, ҳозир ҳаммаси жойида. Мессининг ёнида машғулотларда иштирок этиш мен учун катта аҳамиятга эга. Унинг маслаҳатлари жуда катта вазнга эга.
Қайси позицияда ўйнаш муҳим эмас. Мен ҳар доим майдонга чиқишга ва мураббийнинг талабларини бажаришга тайёрман. Асосийси – «Барселона» учун фойда келтириш. Мен ўзимни ярим ҳимояда жуда яхши ҳис қиляпман, ҳужумчиларга ёрдам беришни яхши кўраман», — деди Педри.
