Англиянинг «Манчестер Сити» клуби ҳимоячиси Натан Аке жамоа бош мураббийи Пеп Гвардиоланинг келажаги ҳақида фикр билдирди. Испаниялик мутахассиснинг "шаҳарликлар" билан амалдаги шартномаси 2021 йилнинг ёзида якунланади.

«Ўйлайманки, бош мураббийимиз клубимиз учун жуда яхши. Гвардиола – мени «Манчестер Сити» клубига ўтишимда муҳим роль ўйнаган. Шу сабабли, у шартномасини узайтирса ажойиб бўларди.

Бироқ, албатта, барча унга боғлиқ. Биз бор эътиборимизни жорий мавсумга қаратамиз, у совринларни қўлга киритишга ҳаракат қилмоқда. Аввало бу ҳақда биз ўйлашимиз керак. Кейин нима бўлишини ким билади.

Гвардиола футболчилар билан қандай ишлаётганини кўрдим. У менга қандай вазиятларда кучли бўлишимни алоҳида кўрсатиб беради.

Мен ундан нима ўрганаётганимни ҳис қиляпман. Бу ерга кўчиб ўтишимнинг асосий сабабларидан бири - бу Гвардиола қўл остида ишлаш истаги эди. Мен аллақачон ўсиб бораётганимни ҳис қиляпман. Умид қиламанки, келажакда ҳаммаси янада яхши бўлади», – деди Аке.