Angliyaning «Manchester Siti» klubi himoyachisi Natan Ake jamoa bosh murabbiyi Pep Gvardiolaning kelajagi haqida fikr bildirdi. Ispaniyalik mutaxassisning "shaharliklar" bilan amaldagi shartnomasi 2021 yilning yozida yakunlanadi.
«O‘ylaymanki, bosh murabbiyimiz klubimiz uchun juda yaxshi. Gvardiola – meni «Manchester Siti» klubiga o‘tishimda muhim rol o‘ynagan. Shu sababli, u shartnomasini uzaytirsa ajoyib bo‘lardi.
Biroq, albatta, barcha unga bog‘liq. Biz bor e’tiborimizni joriy mavsumga qaratamiz, u sovrinlarni qo‘lga kiritishga harakat qilmoqda. Avvalo bu haqda biz o‘ylashimiz kerak. Keyin nima bo‘lishini kim biladi.
Gvardiola futbolchilar bilan qanday ishlayotganini ko‘rdim. U menga qanday vaziyatlarda kuchli bo‘lishimni alohida ko‘rsatib beradi.
Men undan nima o‘rganayotganimni his qilyapman. Bu yerga ko‘chib o‘tishimning asosiy sabablaridan biri - bu Gvardiola qo‘l ostida ishlash istagi edi. Men allaqachon o‘sib borayotganimni his qilyapman. Umid qilamanki, kelajakda hammasi yanada yaxshi bo‘ladi», – dedi Ake.
