Туриннинг «Ювентус» клуби ярим ҳимоячиси Хуан Куадрадо коронавирусга чалинган Криштиану Роналдуни майдонга қайтганидан хурсанд эканлигини яширмади.

«Роналду жуда бахтиёр, у яна майдонга тезроқ қайтишини сабр билан кута олмади. У майдонга тушиши биланоқ («Специа» билан ўйин - таҳририят), ўйинларни жуда соғингани кўриниб турарди.

У – бизнинг асосий қуролимиз, у жамоага нима бераётганини барчамиз биламиз. У ўзига жуда ишонган футболчи, бу эса бизга ёрдам бермоқда. У бизда бўлиши керак бўлган профессионаллик ва ғалаба қозониш истагини уйғотади», – деди Куадрадо Sky Sport Italia билан суҳбатда.