Мадриднинг «Атлетико» клуби бош мураббийи Диего Симеоне ЕЧЛнинг 3-тур доирасида «Локомотив» клуби билан қайд этилган дуранг ҳақидаги фикрларини билдирди.

«Пенальти бормиди? Тўғрисини айтсам, кўрмадим. Агар VAR шундай қарорга келдими, демак пенальти бор. Жамоа яхши ўйнади, қанотлардан фойдаланди, шунингдек, майдон маркази ҳам ҳужумларни ривожлантиришга ёрдам берди. Афсуски, иккинчи голни кирита олмадик. Ишлашда давом этамиз.

«Локомотив» таркибида дарвозабонни алоҳида кўрсатган бўлардим. У жуда яхши сейвларни амалга оширди. «Локомотив» қарши ҳужумлардан фойдаланди, худди «Зальцбург» билан бўлган ўйиндаги каби. Россия футболининг ҳимояси ҳамма вақт яхши ишлаб келган. «Локомотив» очко олиш учун бор кучини ишга солди», - деди Диего.