Франциянинг «ПСЖ» клуби ЕЧЛнинг 3-тур доирасида «Лейпциг» клубига қарши бўладиган ўйин олдидан ноқулай аҳволга тушиб қолишди.
Жамоа ҳимоячиси Левен Курзава ижтимоий тармоқлар орқали жамоанинг ярми Германиядаги меҳмонхоналарнинг биридаги лифтга қамалиб қолганини маълум қилди.
«Пари Сен-Жермен» клуби футболчилари лифт ичида бир соатдан кўпроқ вақтини йўқотишларига тўғри келди. Уларни қутқариш учун маҳаллий қутварувчилар жалб қилинди.
«ПСЖ» ярим ҳимоячиси Марко Верратти лифтдан қўрқади. Аксига олиб, лифтда қолиб кетган футболчиларнинг орасида у ҳам бор эди.
