«Манчестер Сити»нинг собиқ ҳужумчиси Эмиль Мпенза яқин ойлар давомида клуб билан Месси ўртасида содир бўлаётган ҳодисаларга ўз муносабатини билдириб ўтди.
«Леонинг ҳозир жамоага келиши муаммо устига муаммо юклаши турган гап. "Сити"нинг ҳимоя чизиғини барчагиз кузатиб боряпсиз. Компаний клубни тарк этгач, бу ердаги муаммолар ҳали бери тикланганича йўқ. Месси ҳужумчи, у камдан кам орқага қайтиб ўйнайди. Бунинг устига унинг позициясида футболчилар сони етарли. Маҳрез ва Фоден каби талантлар шусиз ҳам захирада қолиб кетяпти. Мессининг клубга келиши Гвардиола учун ҳимоядаги ротацияларга сўзсиз, катта ғов бўлиб хизмат қилади, - дейди собиқ бельгиялик футболчи.
