Мадриднинг «Реал» клуби ҳимоячиси Рафаэль Варан Ла Лиганинг 9-турида «Валенсия» (1:4) клубига қарши бўлиб ўтган учрашувда кутилмаганда ўз дарвозасини ишғол этди.
Ушбу автогол - франциялик ҳимоячининг "Реал" таркибида сўнгги бешта учрашувдаги иккинчи автоголи ҳисобланади. У сўнгги марта жорий мавсум ЕЧЛнинг 1-турида "Шахтёр" клубига қарши учрашувда ўз дарвозасини ишғол этиб қўйганди.
Варан "Реал" таркибида аввалги иккита автоголини 324 та учрашувда киритганди, бу сафар эса икки автогол киритиш учун 5 та ўйин кифоя қилди.