Каталониянинг «Барселона» ва Италиянинг «Милан» клуби собиқ ҳужумчиси Самуэль Это’О Камерунда ЙТҲга учради.
Хабарда айтилишича, Это’О ўз автомобилида якшанба куни тўй маросимидан қайтаётганда автобус билан тўқнашиб кетган.
Гарчи, автомобилнинг олд қисми кескин шикастланган бўлса-да, 39 ёшли Самуэлни жиддий жароҳат олишига автомобилнинг хавфсизлик ёстиқчалари йўл қўймаган.
«Йўл-транспорт ҳодисига учраган автомашинада Самуэль Это’О бўлган. Мен унинг яхши эканлигини тасдиқлайман, чунки у билан бироз аввал гаплашдик. Шифокорлар унга ёрдам беришмоқда», — деди камерунлик журналист.
Маълум бўлишича, «Барселона» собиқ футболчиси бошидан жароҳат олган.
Йўл-транспорт ҳодиси натижасида ҳалок бўлганлар йўқ.
