Австриянинг "Зальцбург" клубини олти нафар аъзоси коронавирус учун топширган тест натижалари ижобий кўриниш олди. Бу ҳақда клуб матбуот хизмати хабар тарқатди.
Қайд этилишича, касаллик юқтириб олганларда аломатлар сезилмаяпти ва улар карантинга олинди. Айнан кимлар ушбу касалликни юқтириб олганлиги ҳақида аниқ маълумот берилмаяпти.
Шу сабабли, клубнинг қолган футболчилари ҳам карантинга олинди. Улар фақат ўз уйлари, машғулот базаси ва учрашувлар ўтказиладиган жой орасида ҳаракатланиши мумкин. Шунингдек, "Зальцбург" футболчиларининг ҳеч қайси бири ўз терма жамоалари ихтиёрига юборилмайди.
