«Бавария» клуби октябрь ойининг энг яхши футболчисини аниқлаш бўйича ишқибозлар ўртасида ўтказилган сўровнома натижасини эълон қилди.
Биринчи ўринни ҳимоячи Йозуа Киммих эгаллади. Мухлисларнинг 31 фоизи унга овоз беришди. Иккинчи поғонани эса ҳужумчи Роберт Левандовски (25%) банд этган бўлса, Томас Мюллер (16%) кучли учликка кирди.
Кейинги поғоналарни Леон Горецка (8%) ва Мануэль Нойер (5%) банд этишди.
Киммих октябрь ойида 5та ўйинда майдонга тушиб, битта гол урди ва 3та голга узатма берди.