Россиянинг "Уфа" клуби директорлар кенгари раиси Ростислав Мурзагулов Москванинг «Спартак» клубида ўйнаётган ҳамюртимиз Остон Ўрунов ва "Уфа"нинг собиқ спорт директори, айни пайтда "Спартак" клубида ишлаётган Шамил Газизов ҳақида фикр билдирди.
Ўшанда мен Газизовга "келинглар, нима қилишни ўйлаб кўрамиз, Ўруновни олиб келиш учун нимадир қилишимиз керак" - дедим. Ўшанда Газизовнинг ўзи пул топди ва Остонни сотиб олиб, жамоага олиб келди.
Ягона нарса: Биз Ўруновни қимматроқ нархга сотишимиз мумкин эди, бироқ, Газизов уни қаерга кераклигини билиб сотди. Остонни сотиб олиш тарихини билганим учун, унинг сотилишига эътироз билдиришга менда манъавий эътироз йўқ эди.
– Ўруновга ЦСКА ва «Рубин» клубларидан қизиқиш бўлганини биламан. Адашмаётган бўлсам улар «Спартак»дан кўра кўпроқ таклиф қилишганди, шундайми?
– Ўруновга қизиқиш билдирган клублар ҳақида ҳозир тафсилотларни очиқлайдиган бўлсам, уларнинг хурсанд бўлишларига амин эмасман. Тўғри, у клублар билан Ўруновнинг трансфер баҳоси борасида савдолашиш мумкин эди, бироқ, Шамил Ўруновни ўзи топди, ўз Россияга олиб келди ва пулини ҳам ўзи тўлади. Газизов ҳақида нима дейишим мумкин? «Йўқ, энди Остонни устидан биз пул ишлаймиз» - дейманми? Катта эҳтимол билан бундай қила олмасдим, – деди Мурзагулов.
