Англия ҳамда Норвегия аёллар терма жамоалари ўртасидаги ўртоқлик баҳси коронавирус пандемияси туфайли тўхтатилди.
Расман буни Норвегия футбол федерацияси ҳам тасдиқламоқда. Терма жамоада вирусга чалинган футболчилар сони кескин ошиб кетгани боис бош мураббий 1 декабрда Шеффилдда бўлиб ўтилиши кўзда тутилган учрашувга бора олмасликларини маълум қилди.
Шундан кейин Англия терма жамоаси бош мураббийи Фил Невил воқелик бўйича мамлакат мухлисларидан узр сўраб, ФИФАга яқин орада навбатдаги баҳс ҳамда жамоа таркиби борасида ҳисобот бериб ўтишини таъкидлади.
Эслатиб ўтамиз, Англия аёллар терма жамоаси мартдан бери расмий ўйин ўтказмаётган бўлиб, уларнинг сўнгги учрашувлари Испанияга қарши (0:1) кечган эди.
