Angliya hamda Norvegiya ayollar terma jamoalari o‘rtasidagi o‘rtoqlik bahsi koronavirus pandemiyasi tufayli to‘xtatildi.
Rasman buni Norvegiya futbol federasiyasi ham tasdiqlamoqda. Terma jamoada virusga chalingan futbolchilar soni keskin oshib ketgani bois bosh murabbiy 1 dekabrda Sheffildda bo‘lib o‘tilishi ko‘zda tutilgan uchrashuvga bora olmasliklarini ma’lum qildi.
Shundan keyin Angliya terma jamoasi bosh murabbiyi Fil Nevil voqelik bo‘yicha mamlakat muxlislaridan uzr so‘rab, FIFAga yaqin orada navbatdagi bahs hamda jamoa tarkibi borasida hisobot berib o‘tishini ta’kidladi.
Eslatib o‘tamiz, Angliya ayollar terma jamoasi martdan beri rasmiy o‘yin o‘tkazmayotgan bo‘lib, ularning so‘nggi uchrashuvlari Ispaniyaga qarshi (0:1) kechgan edi.
