Ушбу рукнимиздаги энг сўнгги янгиликлар билан таништиришда давом этамиз.
Торрейра қайтадими?
Лондоннинг “Aрсенал” жамоаси ярим ҳимоячиси Лукас Торрейра фаолиятини Италияда давом эттириши мумкин.
«Tuttosport» нашрининг маълум қилишича, футболчи билан Италиянинг «Сампдориа» ва «Пескара» клублари жиддий қизиқиб қолган.
Манбанинг маълум қилишича, футболчи билан «Торино» жамоаси ҳам шартнома имзолаш ниятида. Клуб қишда «кононирлар» билан алоқага чиқиши кутилмоқда.
«Ливерпуль» темпни оширмоқда
Aнглиянинг «Ливерпуль» жамоаси қишда марказий ҳимоячи сотиб олиш ҳақида бош қотирмоқда.
«Football Italia» нашрининг маълум қилишича, «Ливерпул» жамоаси нишонида «Наполи» ҳимоячиси Калиду Кулибаи турибди.
Манбанинг маълум қилишича, «мерсисайдликлар» Виржилнинг ўрнини тўлдириши кўзда тутилган футболчи учун 70 миллион евро сарф этиши талаб этилади. Бундан камига «Наполи» ўз футболчисини қўйиб юбормайди.
Наиннголан трендда!
Миланнинг «Интер» жамоаси ярим ҳимоячиси Ража Наиннголан фаолиятини «Торино» жамоасида давом эттириши мумкин.
«Tuttosport» нашрининг маълум қилишича, бельгиялик футболчи билан Турин клуби жиддий қизиқиб қолди.
Манбанинг маълум қилишича, «Торино» раҳбарлари Ражанинг трансфери борасида расмий музокараларни бошлаб юборган ва қишда ушбу трансфер амалга ошади.
32 ёшли футболчининг ўзи ҳам бошқа клубга кетишга қарши эмас. У ўйин амалиётга бўлиш мақсадида кучсизроқ жамоада тўп суришга ҳам қарши эмас.
“Aтлетико”га Лаймер керак
Мадриднинг “Aтлетико” клуби «РБ Лейпсиг» клуби ярим ҳимоячиси Конрад Лаймер билан шартнома имзолаш ниятида.
AС нашрининг маълум қилишича, 23 ёшли футболчи учун «матрасчилар» ёзда ҳам таклиф юборишган, бироқ ушбу трансфер амалга ошмаган эди. Энди жамоа Конрадни қўлга киритиш мақсадида «буқалар»га 35 миллион евро таклиф қилмоқчи.
Эслатиб ўтамиз, Конраднинг «РБ Лейпциг» жамоаси билан тузган шартномаси 2023 йилда ўз якунига етади.
«Юве» ўз футболчисини қишда сотмоқчи
Туриннинг «Ювентус» жамоаси Федерико Бернардескини қишда трансферга қўймоқчи.
«LGDS» нашрининг маълум қилишича, Бернардески билан «Севиля» ва «Эвертон»дан таклифлар келиб тушган.
Манбанинг маълум қилишича, футболчининг ўзи ҳам бошқа клубга ўтишни истамоқда. Бернардески Европа чемпионати олдидан ўйин амалиётга эга бўлишни ва термадан таклиф олишни истамоқда.
