Германия терма жамоаси ҳужумчиси Тимо Вернер Миллатлар Лигаси доирасида Украина (3:1) терма жамоаси устидан қўлга киритилган ғалаба ҳақидаги фикрлари билан ўртоқлашди.
«Мен ҳар доим Лейпцигга, ўз стадионимга завқ билан қайтаман. Бу ерда завқ билан ўйнайман ва ғалаба қозонаман. Терма жамоамиз ҳақида гапирадиган бўлсам, айни пайтда биз яхши терма жамоаларнинг биримиз.
Биринчи голимни жуда осонлик билан киритдим. Леон Горетцка шунчаки жуда чиройли қилиб тўпни менга оширди. Ҳимоямизнинг ўйини тобора яхшиланиб бормоқда, хатоларимиз устида жиддий ишлаяпмиз. Европа чемпионатида ажойиб тарзда иштирок этиш ниятидамиз», – деди Вернер.
