Germaniya terma jamoasi hujumchisi Timo Verner Millatlar Ligasi doirasida Ukraina (3:1) terma jamoasi ustidan qo‘lga kiritilgan g‘alaba haqidagi fikrlari bilan o‘rtoqlashdi.
«Men har doim Leypsigga, o‘z stadionimga zavq bilan qaytaman. Bu yerda zavq bilan o‘ynayman va g‘alaba qozonaman. Terma jamoamiz haqida gapiradigan bo‘lsam, ayni paytda biz yaxshi terma jamoalarning birimiz.
Birinchi golimni juda osonlik bilan kiritdim. Leon Goretska shunchaki juda chiroyli qilib to‘pni menga oshirdi. Himoyamizning o‘yini tobora yaxshilanib bormoqda, xatolarimiz ustida jiddiy ishlayapmiz. Yevropa chempionatida ajoyib tarzda ishtirok etish niyatidamiz», – dedi Verner.