Италиянинг «Интер» клуби бош мураббийи Антонио Конте совринлар ва энг юқори маош оладиган мураббий мақоми ҳақида фикр билдирди.
«Совринлар – бу меҳнатнинг самарасидир. Ғалаба маданиятисиз муваффақиятга эришиб бўлмайди. Бундай маданиятга фақатгина меҳнатсеварлик билан эришиш мумкин.
Менинг маошим – фаолиятим давомида эришган меҳнатимнинг натижасидир. Футболда муваффақиятга шунчаки эришиб бўлмайди. Ҳатто Юрген Клоппнинг «Ливерпул»и ҳам дастлабки тўрт йилда ҳеч нарса юта олмаган.
Ҳар мавсум яхши жамоани шакллантириш учун вақт ва жиддий харидлар талаб қилинади. Сўнгги йилларда Италияда мутлоқ доминант жамоа мавжуд эди.
Мен «Интер» клубига энди келган пайтларимда ички структура ҳақида ҳеч нарса билмадим. Барчасини англаб олиш учун вақт талаб қилинди.
Ҳозир эса ҳамма нарсани биламан, бу жуда катта афзаллик. Йил мобайнида кўп нарса ўзгарди. «Интер»да фаолият олиб бораётган барча мени қўллаб-қувватламоқда. Биз ўсяпмиз», – деди Конте La Gazzetta dello Sport билан суҳбатда.