Italiyaning «Inter» klubi bosh murabbiyi Antonio Konte sovrinlar va eng yuqori maosh oladigan murabbiy maqomi haqida fikr bildirdi.

«Sovrinlar – bu mehnatning samarasidir. G‘alaba madaniyatisiz muvaffaqiyatga erishib bo‘lmaydi. Bunday madaniyatga faqatgina mehnatsevarlik bilan erishish mumkin.

Mening maoshim – faoliyatim davomida erishgan mehnatimning natijasidir. Futbolda muvaffaqiyatga shunchaki erishib bo‘lmaydi. Hatto Yurgen Kloppning «Liverpul»i ham dastlabki to‘rt yilda hech narsa yuta olmagan.

Har mavsum yaxshi jamoani shakllantirish uchun vaqt va jiddiy xaridlar talab qilinadi. So‘nggi yillarda Italiyada mutloq dominant jamoa mavjud edi.

Men «Inter» klubiga endi kelgan paytlarimda ichki struktura haqida hech narsa bilmadim. Barchasini anglab olish uchun vaqt talab qilindi.

Hozir esa hamma narsani bilaman, bu juda katta afzallik. Yil mobaynida ko‘p narsa o‘zgardi. «Inter»da faoliyat olib borayotgan barcha meni qo‘llab-quvvatlamoqda. Biz o‘syapmiz», – dedi Konte La Gazzetta dello Sport bilan suhbatda.