Каталониянинг "Барселона" клуби собиқ директори Хавьер Бордас Килиан Мбаппе 2017 йили жамоада пайдо бўлиши мумкинлигини айтиб берди.
"Биз Усмон Дембеленинг трансфери борасида ишлаётганимизда, агент Хосеп Мария Мингелла биз билан алоқага чиқиб, Мбаппе бизнинг клубга ўтишга тайёр эканлигини айтганди. Бу борада Бартомеу билан маслаҳатлашгандим ва у менга футболчига қарашимни айтганди.
Мен Мбаппенинг отаси билан гаплашганди ва у менга таркибида Криштиану, Бензема ва Бэйллар бор "Реал"га бормаслигини айтганди. Отаси Мбаппе "Барселона"га ўтиши мумкинлигини, чунки Неймар кетганлигини билдирганди.
"Монако" президенти Мбаппе "ПСЖ" кучайиб кетмаслиги учун уни "Барселона"га ўтишини хоҳлаганди. Ўша пайтда уни 100 миллион еврога сотиб олиш мумкин эди. Бироқ, клуб раҳбарияти Дембеле вариантига тўхталганди. Ўшанда раҳбарияти Мбаппе ўзи учун, Дембеле эса жамоа учун футбол ўйнашини айтишганди. Неймар кетганидан кейин раҳбарияти ҳужумчи ўрнига вингер сотиб олишни хоҳлаган эди", - Бордаснинг сўзларидан иқтибос келтирмоқда Mundo Deportivo.
