"Интер" клуби бош мураббийи Антонио Конте жамоа ярим ҳимоячиси Кристиан Эриксен ҳақида маълумот берди.

"Менинг ҳар бир қарорим клуб манфаати учун қабул қилинади, бирор бир алоҳида футболчининг фойдаси учун эмас. Футболчилар ғоялар ва лойиҳалар учун функционал бўлишлари, миллий ва ҳалқаро рақобатдош бўлишлари керак.

Замонавий футболчи тезкор, кучли ва бардошли бўлиши шарт. Агар сизда мана шу нарсалар бўлса, у ҳолда муаммосиз "Интер"га қабул қиламан", - Контенинг сўзларидан иқтибос келтирмоқда Football Italia.

Эриксен "Интер" таркибига 2020 йилнинг январь ойида 20 миллион евро эвазига кўчиб ўтганди. Шу вақт мобайнида у 33 та учрашувда майдонга тушиб, 4 та гол киритди ва 3 та голга ассистентлик қилди.