"Арсенал" клуби ва Габон терма жамоаси ҳужумчиси Пьер-Эмерик Обамеянг маълумот беришича, у ва миллий жамоадаги шериклари Гамбиядаги аэропорт полида ухлашига тўғри келди.
"Аэропортдаги ақл бовар қилмас тун. Битта нарсани тушунмаяпман, нима учун Гамбия бир неча соатдан бери бизга паспортларни бермасдан, бизни аэропортда ушлаб турибди? Биз гаровга олинган кишилармизми?" – дея ёзди Обамеянг Instagram орқали.
Габон терма жамоаси футболчиларида коронавирусга топширилган тест натижалари бўлса-да, улар аэропортда ушлаб турилди.
