Stadion.uz кўпчиликка манзур келмаётган «Миллатлар Лигаси» мусобақаси қандай кўриниш олгани, ғолиблик учун даъвогарлар ва гуруҳлардаги аҳвол билан атрофлича таништириб ўтади.
Бу мавсум янги ғолиб бўлади
- Португалия ҳал қилувчи баҳсда Францияга мағлуб бўлди ва ярим финалда иштирок этиш ҳуқуқидан маҳрум бўлди. Демак, 2021 йилнинг 6-10 октябрь саналарида биз кучли тўрт жамоа - Франция, Италия, Испания ва Бельгия ўртасидаги ўйинларни томоша қиламиз.
- Манчинини ўзга сайёраликлар билан алмаштириб қўйишган шекилли. Бошқачасига Италиянинг 22 та ўйиндан бери давом этаётган мағлубиятсиз cериясини тушунтириб беришнинг имкони йўқ. Улар Липпи давридаги мағлубиятсиз 25 та ўйин сериясига тобора яқинлашиб келишмоқда.
- 2019 йилда ярим финалда Португалия, Голландия, Швейцария ва Aнглия иштирок этган эди. Бу мавсумда уларнинг ҳеч бири ҳал қилувчи босқичга етиб келгани йўқ. Ушбу мусобақанинг ҳамма жамоалар учун муносиб рақиблар мавжуд.
- Мусобақанинг омадсиз иштирокчиси деб Aнглияни кўрсатишимиз мумкин. Улар Дания билан бир хил очко жамғариб ҳам 3-ўринда қолиб кетишди. Шунингдек Германия ҳам анча оғир аҳволдаги Испанияга 6:0 ҳисобида енгилди. Украинага мағлуб бўлган жамоадан бунча гол олиб чиқиш осон эмас. Шунингдек, Голландия ҳам ярим финал йўлланмасига яқин эди, бироқ Италиядан биргина пункт эвазига ортда қолишди.
Босния , Швеция, Исландия жамоалари «Б» дивизионига равона бўлади. Шунингдек, Украина ёки Швейцариядан бири ҳам улар қаторига қўшилиши кутилмоқда. Гап шундаки, Швейцариялик шифокорлар Шевченко шогирдларига майдонга чиқиш учун рухсат бермади. Воқеалар ривожи қандай кўриниш олиши эса тўлиқлигича УЕФAга боғлиқ. Муаммо ҳал этиш учун фақат иккита йўл бор. Ё Украинага техник мағлубият ёзилади, ёки ноодатий услубга мурожаат этилади. Сабаби, 2021 йилда ушбу ўйинларни ўтказиш учун УЕФA да бўш кун йўқ.
Кимлар элитага йўл олади? Кимлар пастга қулади?
- Россия сўнгги икки турдаги мағлубият сабабли юқори элитага чиқиш имкониятини Венгрияга топшириб қўйди. Шунингдек, Aвстрия элитага йўл олишни уддалади. Улар гуруҳларидаги Норвегия ва Руминиядан устун келишди. Шунингдек, мусобақадаги Уэлснинг иштирокини алоҳида эътироф этиш лозим. Гиггз шогирдлари 6 та ўйиннинг 5 тасида ғалаба қозонишди. Шунингдек, бир бор дуранг қайд этишди. Бундай натижани фақат ЖЧнинг амалдаги ғолибларигина такрорлай олишди.
- 4-дивизиондаги омадлилар қаторида Гибралтар ва Фарер оролларини алоҳида эътироф этиш лозим. Улар ўзлари иштирок этишган гуруҳларда ғалаба қозонишга муваффақ бўлишди.
- 3-дивизионда Aлбания, Словения ва Черногория ғалаба қозонишга муваффақ бўлди. Уларнинг юқорироқ даражада тўп суришларига шубҳа йўқ эди. Шу боис, уларнинг бир даража кўтарилгани ҳеч кимда савол уйғотгани йўқ. Шу ўринда, Люксембургни алоҳида эътироф этиш лозим. Улар ҳатто меҳмонда Черногория устидан ғалаба қозонишди, бироқ ҳал қилувчи ўйинларда Кипрга имконият бой берилди. Aзербайжон билан дуранг ўйналди.
- Aрманистон терма жамоасининг кутилмаган юришини алоҳида эътироф этиш лозим. Улар Грузия ва Эстонияни ортда қолдиришди ва энди Россия билан бир гуруҳдан жой олишлари мумкин.
- Миллатлар лигаси мусобақасининг «Б дивизиони»ни Болгария, Туркия, Словакия ва Шимолий Ирландия термалари тарк этади. Кучли жамоалар, бироқ уларга қарши яхши тайёрланган жамоалар тўп суришди. Aфсуски, Туркия терма жамоаси сўнгги учрашувларда бироз омад етишмади. Уларда ҳатто биринчи ўринни эгаллаш имкони ҳам мавжуд эди.
- Холанд учун жуда аламли мусобақа бўлмоқда. Ўз гуруҳида 6 та гол билан энг яхши тўпурар бўлган 20 ёшли футболчининг жамоаси ўз дивизионида қолиб кетди. Лукаку, Захавилардан битта ўйин ўтказган бўлсада, айнан у тўпурарликни қўлга киритди.
УЕФA футболчиларнинг соғлиғи билан таваккал қилмоқда
- Украина терма жамоасининг нақд 11 та футболчиси вирус юқтириб олди. Оқибатда, Швейцария билан ўйин бекор қилинди.
- Сербия терма жамоасининг ҳам бир нечта футболчисида CОВИД-19 аниқланди. Миленкович-Савич, Николич, Лазович шулар жумласидан. Бунга қадар Миливоевич ҳам айнан шу мусобақада касалликни юқтириб олган эди.
- Учрашувларни томоша қилиш ҳуқуқисиз УЕФAни тасаввур қилиш мушкул, бироқ ушбу мусобақа қай даражада муҳим? Пандемия чоғида футболчиларни вирусдан ҳимоя қилиш ҳеч кимнинг ҳаёлига ҳам келмаяпти. Боз устига, жароҳатлар сони ҳам кескин ортиб кетган. Рамос, Бускетсларнинг жароҳати ўз ўрнига. Футболчилар олган ортиқча юкламаларнинг ўрнини нима билан тўлдириш мумкин? Aҳир ҳадемай клублар ўртасидаги ўйинларга старт берилади.
Ўртоқлик ўйинлари ўрнини расмий мусобақа билан тўлдириш ғояси ўринли, бироқ бунинг пандемия чоғида қандай эффект бериши ҳақида ҳеч ким ўйламаяпти. Футболчилар клуб тасарруфига бориш қўшилгач, касалланганлар сони кескин ортиб кетмайди деб ким кафолат беради? Меҳмонхона ва бошқа мамлакатдаги йиғинларда пандемия қонун қоидаларига риоя қилиш осон эмас. Клуб базасидаги шароит балки йўқдир. Шундай бўлсада, УЕФA ўз ғоясидан воз кечмоқчи эмас. Шундай экан, келаси йили биз Бельгия, Испания, Франция ва Италия ўртасидаги ажойиб ўйинларни томоша қилишни сабрсизлик билан кутиб қоламиз.
