"Ливерпуль"нинг собиқ форварди Майкл Оуэн Муҳаммад Салоҳнинг сўзларига муносабат билдирди.
Аввалроқ Салоҳ "Ливерпуль" раҳбарияти ва мураббий Арне Слотни кетма-кет учта ўйинда захирада қолиб кетгани учун танқид қилганди. Мисрлик футболчининг сўзларига кўра, у ўзини умидсиз ҳис қилмоқда, захирада қолиш сабабларини тушунмаяпти.
"Салоҳ, ўзингни қандай ҳис қилаётганингни тасаввур эта оламан. Сен узоқ вақт давомида бу жамоанинг сардори бўлдинг ва эришиш мумкин бўлган барча ютуқларга эришдинг. Аммо бу жамоавий ўйин ва сен айтган гапларни ошкора айтмаслигинг керак эди.
Бир ҳафтадан сўнг Африка Миллатлар Кубогига жўнайсан. Шубҳасиз, ўшанда тилингни тийиб, ўз ватанинг вакили эканлигингдан фахрланасан ва қайтиб келганингдан кейин вазият қандай бўлишини кўрасан", дея ёзди Оуэн X саҳифасида.
