Каталониянинг "Барселона" клуби чап қанот ҳимоячиси Жерар Мартин сўнгги ўйинларда марказий ҳимояда анчагина ишончли ҳаракат қилмоқда.
Рональд Араухонинг йўқлиги сабаб ушбу позицияга ўтказилган 23 ёшли футболчи "Алавес", "Атлетико" ва "Бетис"га қарши ўйинлардаги ҳаракатлари билан жамоа мухлислари қалбини забт этди. Ўз навбатида, уни кийиниш хонасида ҳам қадрлашади. Футболчилар Мартинга "Жерар Мальдини" лақабини қўйишган.
Мартин ушбу мавсум "кўк-анорранглилар" сафида жами 19 та ўйинда иштирок этди. У ҳозирча голларда қатнашмаган.














