Англиянинг "Эвертон" клуби ярим ҳимоячиси Хамес Родригес Колумбия терма жамоасининг ЖЧ-2022 саралаш доирасида Уругвай (0:3) терма жамоасига қарши бўлиб ўтган баҳсдан кейин кийиниш хонасида муштлашганлиги ҳақидаги миш-мишларни рад этди.
- Футболчилар ўртасида юзага келган қўпол муомала, тажовузкорлик, тўқнашувлар ва низолар ҳақидаги ҳар қандай маълумотни рад этаман ҳамда уларда мен асосий қаҳрамон сифатида қайд этилганимни билдирмоқчиман. Кийиниш хонасида ҳам, шахсий ҳаётимда ҳам мен ҳар бир колумбиялик жамоадошим билан ажойиб муносабатдаман. Бу ёлғонларга масъул бўлганлар ва уларни яратувчилар фақат менинг исмимга таъсир қилиш орқали низо ва ғазабни қўзғашни истайдилар, шунинг учун керак бўлганда қонун ҳужжатларига мувофиқ ҳаракат қиламан., — Хамеснинг сўзларидан иқтибос келтирмоқда Goal портали.
