Angliyaning "Everton" klubi yarim himoyachisi Xames Rodriges Kolumbiya terma jamoasining JCH-2022 saralash doirasida Urugvay (0:3) terma jamoasiga qarshi bo‘lib o‘tgan bahsdan keyin kiyinish xonasida mushtlashganligi haqidagi mish-mishlarni rad etdi.
- Futbolchilar o‘rtasida yuzaga kelgan qo‘pol muomala, tajovuzkorlik, to‘qnashuvlar va nizolar haqidagi har qanday ma’lumotni rad etaman hamda ularda men asosiy qahramon sifatida qayd etilganimni bildirmoqchiman. Kiyinish xonasida ham, shaxsiy hayotimda ham men har bir kolumbiyalik jamoadoshim bilan ajoyib munosabatdaman. Bu yolg‘onlarga mas’ul bo‘lganlar va ularni yaratuvchilar faqat mening ismimga ta’sir qilish orqali nizo va g‘azabni qo‘zg‘ashni istaydilar, shuning uchun kerak bo‘lganda qonun hujjatlariga muvofiq harakat qilaman., — Xamesning so‘zlaridan iqtibos keltirmoqda Goal portali.
