«ПСЖ» клуби бош мураббийи Томас Тухель Франция чемпионатининг 11-трида «Монако» (2:3) клубидан қабул қилиб олинган мағлубият ҳақида фикр билдирди.
«Биринчи бўлимда иккита гол киритдик ва яна иккита голимизни ҳисобга олишмади. Ўйлайманки, киритилган учинчи (гол офсайдан киритилди деб инобатга олинмади - таҳририят) голимиз қоида бўйича киритилганди.
Иккинчи бўлимда бизга концентрация етишмади, тўп билан яхши муомилада бўлмадик ва ёмон ҳимояландик. Ўзимиз айбдормиз. Эҳтимол, балки барчасига енгил қараб, футболчилар 2:0 ҳисобини 3:0 ёки 4:0 деб ўйлашгандир…
Танқидларни тўғри қабул қилишимиз керак, ўйинни ташлаб юбордик, ғалаба учун ўйнашдан воз кечдик. Ҳар доим мағлубиятга учраш мумкин, лекин бугунгидек мағлубиятга учраш – бу жуда ғайритабиий. Иккинчи бўлимда яккакурашларда мағлуб бўлдик ва ҳар доим тўпга кеч қолдик», – деди Тухель.
