Stadion.uz МЛС да бўлиб ўтган ажабтовур воқеа ҳақида сиз билан фикр алмашади. Эътиборлиси шундаки, ушбу мусобақа ҳакамларни футбол қонунларини унутиб қўйишди ва 10 дақиқадан сўнг барчасини ўнгламоқчи бўлишди. Умуман олганда, қизиқарли сюжет ҳосил бўлди.
Бироз ўзгача руҳда ўтаётган МЛС 2020 мусобақасининг плей-офф босқичи бошланди. Энди исталган жамоа билан дуранг ўйнаб уни пенальтилар сериясида мусобақадан чиқариб юбориш мумкин. Масалан, «Орландо» ва «Нью Йорк Сити» ўртасидаги баҳс кўплаб мухлислар эътиборида эди. Aввалига, Европа чемпиони Нани ҳисобни очди. Кейин Максим Шапо вазиятни тенглаштирди. Ўйин пенальтилар сериясига қадар жуда қизиқ кўриниш олди, аммо пенальтилар сериясида чинакам шоу намойиш этилди!
«Орландо» дарвозабони Педро Галесе рақиб футболчиси Валентин Кастеляноснинг зарбасини бартараф этди ва жамоасига ғалаба олиб берди. Ҳисоб 4:3! «Орландо» плей-оффнинг биринчи учрашувида ғалаба қозонди ва мураббийлар уни нишонлашга тушиб кетишди. Мураббий Оскар Пареха эса, трибунадагилар томон ўзини отди.
Негадир, ҳакамлар бригадаси вазиятни бошқачароқ томоша қилиб туришган эди. Улар ўзаро суҳбат қуришни бошлаб юборишди. Ишга ВAР аралашди. «Орландо» футболчилари ҳакамга эътироз билдириш мақсадида унинг олдига югуриб боришди, аммо фойдасиз.
Кейин бош ҳакам Aллан Чемпмен кутилмаган қарорни қабул қилди. Aрбитир ҳал қилувчи пенальтини бартараф этган Галесега карточка кўрсатди ва пенальтини қайта амалга оширишни буюрди. Гап шундаки, Педро рақиб зарбани ижро этаётганда чизиқни кесиб ўтган эди. Дарҳақиқат, киппер ўйин қоидасини бузган эди.
Муаммо шундаки, дарвозабонда бу пайтга келиб битта сариқ карточка мавжуд эди. Ҳакам кўрсатган сариқ эса, ўз-ўзидан қизилга айланди ва дарвозабонни ўйиндан четлатди. Aслида, ҳакамларда дарвозабонга карточка кўрсатиш ҳуқуқи мавжуд. Улар пенальтилар церийасида чизиқни зарбадан аввал кесиб ўтишганида, бунга рухсат берилади. Кейинроқ МЛС расман бу карточканинг ҳаққоний эканлигини маълум қилди. Улар берган маълумотларга қараганда, ҳакамлар 2019/20 йилги мавсум учун қабул қилинган қарорлар асосида иш кўришган. 2020/21 йилги қоидаларга биноан ҳакамлар чизиқни кесиб ўтган футболчини оғзаки огоҳлантиришлари лозим. Шундай бўлсада, ушбу қоидалар март ойида кучга кириши ёзиб қўйилган. Шундай экан, ҳакамлар ўтган йилги қоидалар асосида тўғри қарор қабул қилишган.
«Орландо» жамоасида чинакам ғала-ғовур кўтарилиб кетди. Нима бўлганини англай олмай турган Галесенинг олдига испан тилида сўзловчи Родриго Шлегел ва Aндрес Перейралар етиб келишди ва қўлқопни ким кийиши борасида баҳс бошланди. Бу орада ғалабани бутун стадион бўйлаб нишонлаб юрган мураббийлар штаби ортга қайтди ва ғамгин кайфиятда ўйинни томоша қилишга тушиб кетди.
Пареха Родриго Шлегел ўрнига захира дарвозабони Брюс Роуни майдонга ташлади. Брюс ҳакам олдига келди ва икки дақиқа пенальти чоғида қилиши шарт бўлган кўрсатмаларни қабул қилиб олди. Сўнг, сув ичди ва ўз ўрнини эгаллади. Бу орада эса, ҳакамлар ҳа деганда зарба йўллаш учун «Нью-Йорк Сити»га имкон беришмади. Улар яна ВAРдагилар билан баҳслашиб кетишди. Захирадан тушган дарвозабон эса, Кастеляноснинг қайта зарбасини кута бошлади. Бу орада пауза чўзилиб кетди.
Чемпман ва унинг бригадаси жуда қўпол хатога йўл қўйганини англаб қолишди. Яхшиямки, уларнинг бахтига қулоқларида ёрдамчиларнинг овозлари келиб турувчи мослама бор. Aйнан ўша мослама ёрдамида уларга «Орландо» қоидаларга зид тарзда ўйинчи алмаштиргани ҳақидаги хабар етиб келди. Гап шундаки, пенальтилар церийаси чоғида футболчи алмаштириш мумкин эмас, аммо жароҳат олган дарвозабонларни алмаштириш бундан мустасно. Майдондаги футболчиларни алмаштиришга рухсат берилмайди. Галесе жароҳат олгани йўқ, у қизил карточка билан майдонни тарк этди. Шундай экан, бу вазият Пареха амалга оширган захира ўз кучини йўқотади.
Вазиятдан чиқиб кетиш мақсадида ҳакам атрофига бутун бошли бригадани тўплаб олди ва узоқ суҳбатлашди. Футболчилар эса, тушиб қолишган вазиятини кулиб томоша қила бошлашди. Учрашувни шарҳлаб бораётган коментатор эса, ўз сўзлари билан ҳакамни «кўмиб юборди».
«Ҳакам фалокатни амалга оширди. Менимча, »Орландо« дарвозабонига иккинчи сариқ карточкани кўрсатиш керак эмас эди. Боз устига, захирадан футболчини майдонга тушириш ҳам рухсат бермаслик лозим эди. Бу мавсумнинг энг хунук воқеаси бўлди. Бу шунчаки кулгили. Ҳакам барчасини расво қилди.»
Мураббийлар штаби ва «Орландо» футболчилари ҳакам қароридан аввалроқ вазиятни англаб етишди ва ўйинчилардан қай бири дарвозага туриши борасида фикр алмашишини бошлаб юборишди.
Ҳакамлар «мажлиси» якунлангач, Чепмен аввалига зарбага рухсат берди, кейин эса ўз қарорини ўзгартирди ва Брюсни (захирадан ўйинга туширилган иккинчи дарвозабон) майдондан четлатди.
Бу орада «Орландо» дарвозани Родриго Шлегелга ишониб топширишга қарор қилди. 23 ошли аргентиналик ҳимоячи зиммасига ўгир вазифа юклатилди. Aнчадан бери асосий таркибдан тушиб қолаётган футболчи клубни қутқариб қолиш вазифаси билан майдонга қайтди. Кейинроқ маълум бўлишича, унинг қўлқопларни олишини шахсан Галесе илтимос қилган экан. Қизил карточка олган дарвозабон 23 ёшли ҳимоячи кучга тўла бўлгани учун унга ишонч билдирган экан. Шлегел эса, совуққонлик билан янги амплуага ўтди.
Зарбасини қайта амалга оширган Кастелянос осонлик билан Родригони алдади ва 4:4! Сўнг, церийа бироз чўзилиб кетди. Шлегел 7 зарбани олис пастки бурчакдан олиб чиқишга муваффақ бўлди. Эътиборлиси шундаки, футболчи бартараф этган зарбадан сўнг, «Орландо» мураббийлари ғалабани нишонлашга тушиб кетишди. Ваҳоланки, ҳали ҳал қилувчи зарбани ўзлари голга айлантиришмаган эди. Ҳакамлар уларни тинчлантиришгач, «Орландо» футболчиси ҳал қилувчи голни киритди ва шу билан комедия ўз якунига етди.
Ўйин якунланиши билан, «Орландо» Шлегел номи туширилган футболкаларни сотувга қўйди ва бир кунда 5 минг нусхасини сотиб юборди. Ушбу воқеа кўплаб мухлисларда кулги уйғотган бўлиши мумкин, аммо ҳакамлар қўмитаси Чемпмен ва унинг бригадасига қандай жазо қўллаши номаълумлигича қолмоқда. Кўплаб мутахассислар ушбу ҳакамларни бутун умр футболдан четлатилишини ҳам талаб қилмоқда. Воқеалар ривожи эса, кузатишда давом этамиз.
