Каталониянинг «Барселона» клуби кадрлар борасида жабр чекмоқда. Раҳбарият ҳимоя қўрғонини кучайтириш йўлларини излашмоқда. Чунки, аввалроқ Жерар Пике жароҳат сабабли сафдан чиққани ҳақида хабар берилганди.
El Chiringuito порталининг тарқатган маълумотига қараганда, ҳаттоки куни кеча футболчилик фаолиятини якунлаган Хавьер Маскеранони ҳам қайтариш варианти кўриб чиқилмоқда. Афтидан 36 ёшли аргентиналик футболчига таклиф юборилди.
Маскерано – «Барселона»нинг афсонавий футболчиси ҳисобланади. У жамоа таркибида 2010 йилдан 2018 йилгача тўп сурган.
