Бугун ЕЧЛнинг 4-тур доирасида Италиянинг "Интер" клуби ўз майдонида Мадриднинг "Реал" клубини қабул қилади.
"В" гуруҳида «Интер» 2 очко билан 4-ўринни эгаллаб турибди. «Реал» эса 4 очко жамғарган ҳолда учинчи ўринда бормоқда.
"Интер" клуби бош мураббийи Антонио Конте "Қироллик клубига" қарши бўлиб ўтадиган учрашув ҳақидаги фикрлари билан ўртоқлашди.
«Ушбу ўйинда ғалаба қозонишимиз ва яхши натижа қайд этишимиз керак. Бошқа вариант йўқ. Атиги учта ўйин қолди. Кейинги босқичга йўлланма олишимиз учун камида 7 очко жамғаришимиз керак, бўлмаса бундай гуруҳда қолган уч ўйиннинг барчасида ғалаба қозониш қийин. Менинг фикримча, кўрсатган натижаларимиздан кўпроғига лойиқ эдик. Керакли натижаларга эришиш учун нима қилиш кераклиги ҳақида ўйлашимиз керак», - деди Конте УЕФА расмий сайтига.
